@hayfa mohammed 🌷

@الجوهرة الثمينة الله على حسن التعبير والتشبيه والمعاني فعلا اغنيه معانيها جدا عميقه شكرآ على الرد 🌷💚

"دا اسمه كلام!، عشنا العمر نربي حمام.. بس نسينا نقوم غية" الجملة دي فيها ندم لأنه اكتشف أن كل اللي عمله طول عمره ضاع على الفاضي بدون جدوي وبيصور حالته زي اللي بيربي حمام بس مصنعش ليهم بيت "غية" يأويهم، وبالتالي هيضيعوا مع أسراب الحمام في السماء ومش هيفضلوا مكانهم، وهكذا الحال مع الشخص اللي بيخاطبه في الأغنية "سواء كان قريب أو صاحب قديم فرقتهم مشاكل أو مشاغل الحياة أو أي سبب كان" فهو شبه الحمام اللي ضاع، لأنه مبناش علاقتهم على أساس متين فلذلك مقدرش يحافظ على استمرارها واتفرقوا، وفي بقية الأغنية بيدعوه أنهم يرجعوا ويصلوا بعض من تاني و"الغية" هي بيت الحمام هكذا يطلق عليه في مصر، وبيكون مصنوع من الخشب،يقام على سطوح العمارات وخاصة في المناطق الشعبية وجملة "نقوم غية" يعني نبني الغية وبالمناسبة قد تحمل الأغنية معاني أعمق من ذلك، لأننا تعودنا دائما من حمزة نمرة أغانيه عميقة وكل واحد بيفهمها من منظوره